Bienestar

Tratando ku kambio den bo bida. Kon bo por hasi esaki?

Nos tur ta kriaturanan di habito. Ora nos ta hasiendo algu pa basta tempu, nos ke keda hasi e kos ey e mesun kos pa basta tempu mas. Tog kambio ta algu ku ta parti di nos bida i bo no por skapa di esaki. Un hende su bida ta yen di kambio i transishon. Kambio den trabou, kambio den un estilo di bida, etc etc. Ta importante pa bo sinja asepta kambio ja asina bo por tin control di bo bida. Kosnan por kambia diripiente, pero abo ta disidi kon bo ta anda ku e kambio aki.

Bo ke sa un par di manera kon bo por trata kambio den bo bida i asepta nan?

  1. Realisa bo mes ku kambio ta un funshon: ku esaki nos kier bisa ku kambio no ta sosode sin un motibu. Nan por sosode paso e kos ku bo a kambia no ta pas mas den bida o pa motibo di kosnan ku a desaroja diferente di ku bo a verwagt. Ta bon pa bo skibi dikon e kambio aki a bini den bo bida ku por butabo kompronde kon bo a resulta den e situashon aki.
  2. Skucha na lokual bo tin mester: pa prosesa lokual a pasa ta bon pa bo realisa kiko bo tin mester di dje aworaki. Relaha bo mes mas, drumi bon o kana mas tantu. Si bo no kuida bo mes por soru ku bo ta kansa i tin mas stres. I esaki por strobabo di trata ku e kambio.
  3. Duna bo mes tempo pa trata i kustuma ku e kambio den bo bida: tur komienso ta difisil. Kambio por tin diferente estadio ku ne: A: ninga di asepta ku tin un kambio den bo bida. B. bo mes ta resisti kontra e kambio den bo bida. C. trata na mira e bandanan positivo di e kambio. D. asepta e kambio den bo bida.
  4. Kambia bo manera di pensa: pa trata na mira e kambio den bo bida bo por skibi e kosnan positivo ku e kambio lo por trese pabo. Kosnan bon ku elo por trese pabo i kon bo por krese komo persona.
  5. Kere den bo mes kapasidat i forsa: un persona ta mas kapas den hasi kosnan ku nan mes ta pensa. Si bo mes mira ku no tin ningun situashon ku bo no por trata i bo mes kere esaki, lo bo LOGRA!

Leave a Reply

Your email address will not be published.