stress door covid-19
Bienestar

Teps pa trata stres okashona dor di Covid-19

Siman pasa nos a papia over di kiko stres dor di Covid-19 por trese ku ne.

Tur hende ta reakshona otro ku stres. Toch tin un par di medida ku bo por tuma pa redusi e stres. Kual komo resultado por lagabo sintibo mehor. Aki nos ta bai dunabo un par di konseho. No ta tur bo tin ku sigi, pero djies wak kua ta pas den bo situashon.

#1: Tep kon bo ta trata otro hende

Dor di corona nos no tin kontakto mas ku hopi hende. Ta wordu konseha pa keda den kas. Ser kreativo den kon bo ta tuma kontakto ku otro hende den e periodo aki(whatsapp, video call, etc). Papia ku un hende ku bo ta konfia tokante bo sintimentu di soledat, angustia of vulnerabilidat pa baha e sintimentunan ey.

#2: Teps kon bo mes ta trata stres

Stres i miedu ta rondona nos dor di corona ku ta rondo di nos. Tin diferente stap ku bo por tuma pa baha e stres:

  • Realisa ku ta normal di tin angustia of ta preokupa tokante kiko por sosode sigur si kosnan diario ta insigur of kambia dor di covid
  • Si bo ta ripara ku bo ta hanja mas stres dor di wak notisia, no wak notisia henter dia. No wak notisia prome bo bai drumi.
  • Hasi trankil entre 2 aktividat ku ta difisil i hasi algu agradabel despues ku bo a hasi un tarea difisil
  • Relaha bo kurpa i mente: trata na hala rosea trankil i relaha konsientemente bo muskulonan. Pa hopi hende e siguiente kosnan ta juda: yoga, kana, sport, skucha muziek of lesa pa relaha nan mes
  • Traha un lista di kosnan ku ta bai bon, ta dunabo speransa i kosnan ku bo ta gradesido pe
  • Keda hasi kosnan leuk i disfruta di esei. 

#3: Teps pa bo sintibo mas fuerte

Bo bida diario ta otro dor di e medidanan ku bo tin ku tuma dor di e corona virus. Bo por hasi e siguiente kosnan pa bo tin mas kontrol tokante e situashon:

  • Kome salu: no hopi suku, vet of kafeina
  • Move: preferibel pafo ku sufisiente distansia pa ku otronan. Paden por ku por ehempel un film di youtube(ehersisionan)
  • Asepta e sirkumstansianan ku bo no por kambia i fokus riba kosnan ku si bo tin influesia riba dje
  • Papia ku bo hefe, banko, etc si bo hanjabo den problema finansiero dor ku bo entrada a baha
  • Keda ku bo routina diario manera keda lanta tempran aunke bo ta traha for di kas
  • Kambia bo pensamentunan negativo na opinionan ku ta hasibo mas fuerte
  • Enbes di pensa ku “nos ta pasando den un tempu teribel”, pensa ku “nos ta pasando den un tempu teribel, pero nos lo sali for di dje ku poder di Dios”

#4: Teps pa drumi bon

Si bo ta drumi bon lo bo por trata ku e stres mas mihor. Reglanan pa drumi bon ta por ehempel:

  • bai drumi tur anochi rond di e mesun tempu i lanta rond di e mesun tempu
  • bai drumi solamente si bo ta kansa. Lanta si bo no por drumi i hasi algu ku ta relaha bo. No wak riba telefon of wak algu ku un pantaya riba kama, pero por ehempel skucha muziek relahante
  • evita kafeina, nikotina of alkohol 4 pa 6 ora prome bo bai drumi. Preferibel evitanan kompletamente
  • trata na evita siesta den dia. I si bo ke drumi, trata na drumi un ratu prome ku 3 or di atardi of no drumi mas largu ku un ora
  • soru pa bo kamber ta trankil i konfortabel. Krea un kamber suku i un atmosfera plasentero. Usa bo kama solamnete pa drumi. Asina bo kurpa ta kustuma ku e kama ta solamente pa drumi. No wak televishon riba kama of lesa bo mailnan.
  • hopi moveshon den dia ta juda bo drumi bon anochi i lo bo tin menos stres

#5: Maneranan ku no ta bon pa trata ku stres

  • Alkohol, drugs, nikotina
  • Wega di plaka of gasta muchu sen
  • Pensa konstantemente riba risikonan of konsekuensianan di covid
  • Papia konstantemente ku otronan tokante e covid

Si bo ripara ku hopi dianan tras di otro bo tin stres? Nos ta konsehabo tuma kontakto ku bo dokter di kas.

Bron: Maastricht UMC

Leave a Reply

Your email address will not be published.