doelen stellen
Otro Topikonan

Teps Kon Pa Logra Bo Metanan Den Bo Bida

Bo tin un meta i bo no a logrele ahinda? Of bo a deskurasha? Ta importante pa bo tin meta den bo bida. No perde animo lihe. Mi ke judabo logra bo meta!

Pa bo no perde animo of deskurasha bo tin cu puntra bo mes:

  • Bo ta tuma bo meta hopi na serio?
  • Bo a pone konsekuensia na bo meta si bo logra of no? Paso si bo no a pone konsekuensia na bo meta, lo bo no tin cu kulpa bo mes si bo no logra.

Ora bo buta un meta pa bo mes, lo bo hinka mas energia den logra bo meta. I lo bo traha mas duru pa bo logra.

Aki nos ta dunabo un par di teps pa bo logra bo meta:

Un metodo cu ta efektivo pa realisa bo meta ta e metodo segun SMART. Esaki ta un abreviatura na hulandes: 1.Specifiek, 2.Meetbaar, 3.Acceptabel, 4.Realistisch, 5.Tijdsgebonden

Pa usa SMART nos ta bai tuma e ehempel di e meta: bo ke baha di peso.

1. Soru pa bo meta ta specifiko(specifiek). Esaki kiermen ku si bo meta ta pa baha di peso, e ora ey e meta aki no ta specifiko. Paso bo tin cu puntra bo mes con bo ta bai baha di peso? Pa bo hasiele mas specifiko lo bo tin ku bisa: bo ke bai sport 2 biaha den siman, riba djaluna 17:00 i djawebs 19:00.

2. Si bo kier baha di peso, bo mester sa kuantu kilo bo kier baha.Si bo ke baha 10 kilo, bo por midi(meetbaar) esaki dor di usa un weegschaal.

3. Aseptabel (acceptabel): bo tin cu puntra bo mes: ta aseptabel si mi ke baha 10 kilo si bo ta pisa 60 kilo?

4. Bo meta mester ta realistiko. No hasi bo meta algu ku ta imposibel pa bo logra. Si bo meta ta pa baha 10 kilo den 1 siman, esei no ta realistiko. Hasi bo meta atraktivo. Kada bes cu bo baha 1 kilo, ser orgujoso di bo mes. Esei lo judabo persevera.

5. Mara na tempu(tijdsgebonden): ta importante pa bo pone un fecha ki dia bo meta mester ta logra.

Nos ta desa boso tur hopi eksito cu bosnan metanan cu boso ke logra!

Leave a Reply

Your email address will not be published. Required fields are marked *