Sekreto #7: E Muher Cu Konfiansa…

Sekreto #7: E muher ku konfiansa den su mes no ta biba bisando: “Si Mi A….” of “Supone Ku….”!

E mundu aki tin jen di hende ku ta sinti na mes bashi of no ta satisfecho pasombra nan a keha henter nan bida largu tokante lokual nan no tin enbes di traha/usa bon lokual nan tin. No biba bou di e tirania di “ si mi a…” of “si mi tabata….”. “Si mi tabata tin …. un mihor estudio” OF “Si mi tabata tin….mas sen”, “chens” of “judansa”? OF “Si mi tabata…mas largu/bunita/sabi.

E eror mas grandi den nos bida ta ku nos ta keda mira lokual nos no tin of lokual nos a perde. Ta mihor bo mira lokual bo SI tin. Ora ku Jesus kier a duna 5000 hende di kome, e disipulonan a bisele ku nan tin solamente 5 pan i dos piska. Nan kier a pone Jesus kompronde ku esey no ta jega pa 5000 hende. Pero Jesus a multiplika esaki. Tur hende a hanja di kome i hasta sobra 12 makutu(Matt. 14:15-21).

Aki tin un les pa nos. Si nos duna Dios so lokual nos tin, e lo usa esaki i duna nos muchu mas. E beibel ta bisa ku Dios a krea tur lokual nos ta mira, for di lokual nos no ta mira. E eskritor ta kere ku si Dios por hasi esaki, ku bo por ta sigur ku e ta hasi kosnan grandi ku e tiki ku bo tin, pa kon insignifikante e por ta parse i en kambio dunabo muchu mas. Ku otro palabra pa Dios no ta si bo ta kapas, pero si bo ta disponibel. Dios ke pa nos wak kiko e posibilidatnan ta i no wak e problema. No dispidi bo bida dor di biba di keda pensa: “Si mi a…” of “Si mi tabata…”. Paso sino lo bo perde e oportunidat di a hasi kosnan presioso. “Si mi a…” of “Si mi tabata…” ta ladron di lokual “por ta”!

“Supone ku…” ta mesun desastroso manera “Si mi a…” of “Si mi tabata…”. Semper supone ku algu malu ta bai sosode, por resulta di ta mas negativo ku tin un biaha un problema grandi.

Hopi biaha hendenan ke pa nan problemanan desaparese, pero nan no ta kla pa hasi lokual ta nesesario. E eskritor a pasa den hopi kos kaminda e tabata tin temor anto ahinda de bes en kuando e tin esey, pero ora esey sosode e ta dirigi su mes na e palabra di Dios. Esey ta dunele forsa pa e por buta stapnan den fe pa kon ku e ta sinti.

Pensamentu ta manisfesta su mes finalmente den komportashon i komportashon ta forma i bira kustumber. Si bo duna mas atenshon na lokual bo ta pensa, i skohe pa bo pensamentu dirigi su mes riba un solushon enbes di opstakulo, e ora ey lo bo mira kon e poder di Dios lo manifesta. E ora ey lo bo bira e muher ku konfiansa den su mes manera Dios a krea pa bo ta.

E 7 sekretonan aki lo judabo jega e lugar ey. Tin hopi kos di sinja, pero e sekretonan aki lo judabo pa bo por kuminsa.

Esaki ta for di e buki: “De vrouw met zelfvertrouwen”. Skibi dor di: Joyce Meyer