geheim 6
Bienestar

Sekreto #6: E muher cu konfiansa…

Sekreto #6: E muher ku konfiansa den su mes ta emprendedor (ondernemend)!

Tin dos tipo di hende riba e mundu aki: e persona ku ta sinta warda te ora algu sosode. Anto tin e persona ku ta soru pa algu sosode. Tin hende ku di naturalesa nan ta timido i tin hende ku ta juist franko(vrijmoedig), pero si Dios ta para na nos banda nos lo por biba un bida sobrenatural”. Nos tur tin kosnan ku nos tin ku vense. Un persona ku di naturalesa ta franco, lo tin ku bringa kontra soberbia(hoogmoed), bringa kontra reakshonan agresivo. Un persona ku di naturalesa ta timido tin ku bringa kontra preokupashonan, timides, bringa kontra di e tentashon pa posishina su mes komo un persona reserva si tin kosnan provokador of bringa kontra di falta di konfiansa den su mes.

Un persona franko hopi biaha ta sigur di su mes. Tin biaha tambe ta muchu brutu. Personanan ku ta franko no tin problema pa bisa un otro persona ku nan tin rason. Danki Dios ku nos por sinja di tin balansa den nos bida. Bo por usa e kosnan ku bo ta fuerte den dje i Dios lo judabo vense bo debilidatnan.

Un persona ku ta timido ta hala atras pa hopi kos ku berdaderamente e tin ku konfronta. Pero miedu ta paralisele. Hende tin ku bai deskubri kiko Dios tin pa nan bida. Por ta un aktitut di warda ta preveni ku bo ta komete eror, pero e resultado di personanan ku ta timido ta ku henter nan bida nan lo keda puntra nan mes kon lo nan bida lo tabata.

Komete un eror no ta un desaster, pasombra e por wordu drecha. Pero tin un fout ku lo bo no rekupera for di dje anto esey ta si bo no ta prepara pa komete un eror. Dios ta traha dor di nos fe i no dor di nos miedu. No keda para kantu deseando ku abo por hasi e kosnan ku otro hende ta hasi. Tuma e paso den algu. Bai biba!!!

Ora ku un persona ta introverti of ekstrovertido di su mes, e ora ey su komportashon lo semper tin e karakteristikanan ey. Esey no ta robes. Korda semper ku Dios a krea nos diferente. Tog ta posibel pa nos biba manera nos ke, mientras ku nos por ta nos mes. Investiga pesey bo kurason i puntra bo mes kiko Dios lo ke pa bo hasi i hasiele tambe. Ora Dios guiabo lo e dunabo tambe lokual bo tin mester pa logra bo meta. Si Dios pidibo pa hasi algu ku bo no ta sintibo bon pa hasiele, mi por garantisa bo ku si bo tuma e stap den fe, lo bo ripara ku Dios lo asisti bo den esaki.

Si bo ke logra algu, no bai sinta pensa kiko lo por bai robes. Ser positivo i pensa tokante e kosnan tremendo ku lo por bai sosode. Ta hasi un diferensia kon bo stel bo mes op. Ser positivo, tuma inisiativo, ser un emprendedor. E ora ey lo bo difruta mas di bida. Por ta den kuminsamentu esaki lo mustra difisil, pero a lo largo lo bo ripara ku e ta bale la pena.

Si bo ta un persona timido, pensa ku tin kosnan pehor ta pasa den bida. Tuma e desishon ku e judansa di Dios lo bo bira e muher ku Dios a destina pa bo ta. E ora ey tambe lo bo hanja e bida ku e tin pensa pa bo!!!!!

Leave a Reply

Your email address will not be published.