geheim 3
Bienestar

Sekreto #3: E Muher Ku Konfiansa Den Su Mes Ta Positivo

Konfiansa den bo mes i negativismo no ta bai ku otro. Nan ta manera zeta i awa, nan no ta meskla ku otro. Ser positivo o negativo ta un eskoho ku bo mes ta hasi. Esaki tin di haber ku bo manera di pensa, papia i aktua. Esaki ta kustumbernan ku dor di anjanan a forma bo bida.

Hende no ta gusta di ta banda di un hende ku ta negativo i tapesey e eskritor di e buki aki a sintiele semper rechasa. Esaki a kontrbui ku su miedu i tiki konfiansa den su mes a krese.

Si bo ta negativo, bo ta habri porta pa hopi problema i desapunto i ta engrandese e negativismo. Ta mas mihor pa bo ta optimista den bo bida. Dikon bo no por kere ku algu bon por pasa den bo bida? Si bo no kere ku algu bon lo pasa den bo bida i bo tin miedu di krea speransa falsu, e ora ey bo ta kometiendo un eror grandi. Lo bo enfrenta bo mes ku solamente desapunto. Si bo ta solamente negativo i bo ta ferwagt kosnan negativo, e ora ey tur dia lo ta un desapunto pabo. Dikon lo bo no bisa ku bo glas ta mitar jen, enbes di mitar bashi?

Ora ku bo wordu enkurasha pa pensa positivo, bo no mester bisa ku esaki no ta realistiko. E realidat ta ku pensando positivo, esaki lo kambia bo realidat. Dios ta positivo, pasombra esey ta su realidat. E ta positivo i Dios ta pensa positivo. Dios ta enkurasha nos tambe.

Ta wordu bisa ku 90% di e kosnan ku nos ta preokupa over di dje, no a sosode. Dikon hende ta pensa e ora ey ku un aktitut negativo ta mas realistiko ku un positivo? Ta masha simpel. Nos ke wak e kosnan for di un perspektiva di Dios of di satanas? Ken ta pensa pabo? Abo ta realisa bo mes pensamentu, bo ta skohe bo mes pensamentu of bo ta pasivo anto bo ta asepta tur pensamentu ku bo produsi?

Kiko ta e fuente kaminda bo ta saka bo pensamentu? E fuente ey ta kuadra ku lokual ta para den Beibel? Si esey no ta asina, anto e ora ey e pensamentu no ta di Dios. Pensamentu negativo ta pone ku bo ta sinitibo miserable. Dikon lo bo laga esey sosode si bo por ta felis?

Dikon bo no ta bai dor di bida ku pensamentunan positivo i para ku yen di konfiansa den bida???

Leave a Reply

Your email address will not be published. Required fields are marked *