geheim 2
Bienestar

Sekreto #2: E Muher Ku Konfiansa Den Su Mes Ta Ninga Di Biba Ku Miedu

Bo no ke biba ku miedu. Esey no kiermen ku bo no por tin miedu. Esey kiermen ku aunke bo tin miedu, bo no ta lagele manda over di bo desishonan o aktonan. Pasombra Beibel ta bisa: pasombra Dios no a duna nos un spiritu di kobardia, pero di poder, amor i dominio propio(2 Tim 1:7). Temor/miedu no ta bini di Dios. Miedu ta un instrumento ku diabel ta usa pa stroba nos di ta hendenan ku ta gosa di bida i krese spiritualmente. Miedu ta soru pa un hende hala bek, kana bai of sak den otro. Si un hende kana de Fe, satanas lo imediatamente trata di tur manera pa stroba nos. I e tin diferente metodo pa esey. Un di e metodonan ta: MIEDU/TEMOR!

Si bo tin FE, lo bo bai dilanti. Lo bo purba diferente kosnan den bo bida i lo bo ta entusiasma. Temor ta soru pa hende dera nan talentonan. Nan tin miedu di frakaso, nan tin miedu di kritika i nan tin miedu di kondena. Nos lo no sali nunka for di bou di e poder ey, si nos keda biba ku miedu.

Miedu ta mustra ku e ta birando manera un epidemia den nos komunidad. Miedu di wordu rechasa of frakasa. Bo tin miedu di algu? Bo tin miedu di bo pasado, futuro of soledad? Miedu di bida of morto? Bo por traha un lista asina largu ku satanas por usa pa jenabo ku miedu. Esei kiermen naturalmente te ku e momento ku bo disidi di no biba mas ku miedu. No laga bo mes wordu domina mas dor di emoshon. Por ta ku miedu ta presenta su mes komo un emoshon. Si bo ninga di asepta esaki, e ora ey e ta keda un emoshon.

Pensele bon!

Leave a Reply

Your email address will not be published.