geheim 1
Bienestar

Sekreto #1 Di E Muher Cu Konfiansa Den Su Mes

Tin muhernan cu konfiansa den nan mes i tin muhernan sin konfiansa den nan mes. I semper tin un motibu pa esaki. Via di e secretonan aki nos ta spera cu bo por ta mas franko i hanja mas konfiansa den bo mes.

Sekreto #1: E muher ku hopi konfiansa den su mes: sa ku e ta stima!

E muher ku konfiansa den su mes no tin miedu ku ningun hende stimele, pasombra e sa ku Dios ta stimele inkondishonalmente.Ta importante ku nos sa ku nos ta wordu stima paso esaki ta soru ku nos ta sinti nos mes kompleto. Lo bo no wordu stima i asepta semper dor di tur hende. Nos ke enkurashabo pa bo dirigi bo mes na e personanan ku si ta stimabo. Nos tin ku dirigi nos mes na Dios i stop di skohe amigunan robes. Puntra Dios ken bo amigunan mester ta. I lagele dirigibo por medio di Spiritu Santu. E lo lagabo sa ku ken bo por sera amistad. Tin muher cu ta pensa asina malu di nan mes, ku nan ta skohe hende hombernan ku ta hasi nan danjo. Inkonsientemente nan ta kere ku nan no merese mihor.

Si bo ke wordu stima, e ora ey bo mester ta serka Dios. E ta e tata ku lo derama amor i bendishon over di su yunan. Si bo tata biologiko nunca a stimabo, e ora ey bo por hanja e amor ku nunka bo a hanja di bo tata biologico, bo por hanjele serca Dios. Nos por stima nos mes solamente si nos sa ku Dios stima nos. I nos no por stima un otro hende si nos no stima nos mes. Sin e fundamento di amor den nos bida , nos lo no por krea amistadnan(relashonan)sano. Tin hopi matrimonio ku ta kibra paso nan no ta stima nan mes. Nan no tin nada di ofrese den e matrimonio. Nan ta trata di hanja algu di e persona lokual ta Dios so por duna esta un sentido di balor propio i un seguridad enorme ku nan ta balioso. Bisa duru: Dios stimami inkondishonalmente i mi ta risibi su amor. Keda bisa bo mes esaki. Dios no ta e uniko ku ta stimabo asina. E lo trese hendenan den bo bida ku tambe ta stimabo. Si nos no laga nos mes wordu goberna dor di angustia o temor, nos lo por ta liber i tin mas konfiansa den nos mes. Dios ta stimabo. Dios ta stimabo. Dios ta stimabo!

Leave a Reply

Your email address will not be published.