Konsekuensia di violensia domestiko serka muchanan i muhernan na estado

Hopi biaha parehanan tin problema i esaki ta wordu expresa di tal manera cu no ta bon pa e yunan. E problema ta bira un pleitamentu (abusu verbal) of violensia fisiko.

Muchanan cu ta wordu lanta den un area cu tin violensia domestiko, por sufri di konsekuensianan grandi pa e muchanan cu ta awor den e situashon aki i tambe tin konsekuensianan pa den nan futuro. Aunke cu e mucha mes no ta wordu maltrata, pero si ta un testigu di e violensia domestiko. Hende muhernan na estado cu ta den un relashon cu tin violensia domestiko mester tene na kuenta cu pa e yu cu no a nanse ahinda tambe tin konsekuensia.

Aki nos ta menshona un par di konsekuensianan pa muchanan cu ta biba den un kas cu violensia domestiko:

Muchanan ta isola nan mes for di otro muchanan of nan mes ta bira violento
Muchanan lo tin di haber cu relashonan cu otro hende cu lo no ta bon i nan lo tin problema pa eduka nan mes junan despues.

Muchanan cu ta biba den un kas cu tin violensia domestiko por tin un aktitut pa cu hendenan den nan bisindario dor di:

Ta agresivo
Uso di alcohol of droga
Ta ter otro mucha
Tin trastorno den nan aktitut
Por ta kruel cu animal
Tin un aktitut desobedeciente
Tin un komportashon destruktivo

Muchanan cu ta biba den un kas cu tin violensia domestiko por tin un aktitut problematico basa riba algu internal. Manera nan lo desaroja lo siguinte:

Angustia
Ferdriet
Nan ta pasivo
Nan no tin konfiansa den nan mes
Nan no tin balor propio
Sinti nan mes kulpabel
Riesgo di suisidio
Tin majoria biaha problema pa sinja i consentra
Muchanan por bira na edat mas haltu kulpabel di violensia domestiko

Hende muhernan na estado cu ta biba den un kas cu tin violensia domestiko mester tene na kuenta ku esaki tin konsekuensia tambe pa cu e yu cu no a nanse ahinda. E stress cu e mama ta experensia durante e violensia tin konsekuensia pa e desarojo di e yu prome cu e nanse i despues cu e nanse. E yunan lo por krese cu un desarojo cu lo por ta atrasa i lo por desaroja problemanan den aktitut i tin problemaman mental.

Si parehanan tin un problemata mihor pa papaiele(sin bos haltu) na un manera sin cu e mester bira un pleitamentu of transforma den un akto di violensia. Papia cu otro kaminda e muchanan no tei, paso nan tambe ta sinti e fibrashonan cu bosnan ta manda ora bosnan ta papia i esaki por hasi e muchanan intrakil. Bo a ripara cu bo yu ta mustra un aktitut cu por ta resultado di violensia domestiko? No warda pa tuma kontakto cu bo dokter di kas pa wak unda e por referi bo na dje. Of tuma kontakto cu un organisashon cu por judabo.

Si bo ta un hende muher of hende homber cu ta biba den un kas cu tin violensia domestiko(violensia verbal fisiko of emoshonal) anto bo no sa kon bo por sali for di esaki? Miedu tin bo paralisa? Buska un organisashon cu por judabo. NO TENE BERGUENSA. Lamentablemente bo no ta bo so. Tin mas hende cu ta pasa den mesun kos cu bo. Si bo ke konta nos kiko bo ta pasando aden i bo ke pa nos post bo historia? Laga nos sa esaki.