Kuida bo djentenan

Mantené un bon higiena di bo boka

Prevení ta mehor ku kura.

Kontakto ku otro hende ta kuminsá ku un kombersashon o un smail. Bo no ta haña un di dos chèns pa hasi un promé impreshon. Djentenan bunita ta duna bo mas konfiansa den bo mes. Banda di e tratamentu na un dentista tin tambe kosnan ku bo mes por tene kuenta ku ne pa bo tin djente i un boka salu.

Aki nos ta pone un par di teps pa bo:

• Skeiru djente dos biaha pa dia, pa alomenos 2 minüt: e fluoride den e pasta di djente ta kuminsá traha despues di 2 minüt
• Kòrda skeiru bo lenga tambe: bakterianan ku keda riba bo lenga dor ku bo no a skeiru bo lenga ta pone ku bo boka lo bai hole
• Usa un skeiru elektróniko: ta mas efisiente. I e ta sòru pa e plak riba djente kita I bo tin ménos chèns di haña infekshon di karni di djente
• Usa pasta di djente ku fluoride: e fluoride ta sòru pa bo djentenan ta ménos vulnerabel pa atakenan di zür di bakteria. Ta p’esei or abo kaba di skeiru bo djente no spula bo boka masha ku awa sino tur e fluoride ta kita
• Usa ilu dental pa limpia entre djente, un rager o un tutpik: aunke ku bo skeiru djente bakteria por keda atras. Esaki ta bini dor ku e skeiru di djente no por drenta den tur e espasionan chikitu i asina bakteria te keda  atras lokual por pone ku bo por haña buraku den djente