Prevenshon

Konsekuensia Di Humamentu

Si bo ta un humadó diario esaki por tin hopi peliger pa bo salu. Esaki ta bini dor di e huma ku bo ta inhalá. Pero esaki por tin hopi peliger tambe pa esun ku bo ta huma banda di dje tur dia den kas. E persona aki tin mesun chèns ku bo di haña diferente tipo di kanser.

Hopi hende ta pensa ku humamentu tin solamente kanser na pulmon komo konsekuensia. Pero humamentu ta kousa muchu mas sorto di kanser manera:

•          Kanser na boka di matris

•          Kanser na pechu

•          Kanser na blas

•          Malesanan kardiovaskular

•          Kanser na garganta

•          Kanser na boka

•          Kanser na higra

•          Kanser na stoma

•          I mas……

Humamentu pasivo

Drenta den kontakto ku huma di tabako den kas, aunke e persona mes no ta huma. Esaki ta e huma ku bo ta inhalá(tur dia den kas) dor di un persona ku si ta huma(Fuente:VIC)

Esaki kiermen ku ora bo huma tur dia den kas anto bo ta biba ku mas persona(kasa, yunan o demas), nan tambe tin e mesun rísiko di haña e sortonan di kanser manera e persona mes ku ta huma.

Humamentu pasivo por trese serka un adulto chèns riba kehonan króniko respiratorio. I serka muchanan humamentu pasivo(ora bo huma tur dia den nan bisindario) por trese e chèns pa haña infekshon i un frekuensia haltu pa simptomanan respiratorio.

Humamentu pasivo por tin tambe un efekto negativo riba e funshon di pulmon di muchanan i esaki por kousa un empeorashon di asma serka muchanan.

Un par di efekto positivo riba bo salu ora bo stòp di huma:

Tempu                                                                        Efekto

Despues di 20 min ku stòp                                      bo preshon i pulso di kurason ta baha

Despues di 12 ora ku stòp                                       karbon den sanger a baha na normal

Despues di 1-9 luna ku stòp                                    tosa di humadó ta baha i tin mas rosea

Despues di 12 luna ku stòp                                     risiko malesanan cardiovascular ta baha

Fuente: WHO, 2014

Leave a Reply

Your email address will not be published. Required fields are marked *