Clenched fist
Prevenshon

Kon bo ta anda ku kondukto di agresividat

Kiko ta agreshon?

Alegria, ferdriet, temor of rabia ta emoshonan mas importante serka un hende. Personanan ku wanta nan rabia aden hopi of kunsumi hopi, alolargo ta bira malu of frustra. De bes en kuando bo ventila bo rabia por ta salu.

Pero e momento ku bo pasa e limitenan di un otro persona OF bo hasi danjo intenshonalmente na algu of un otro persona OF bo ke logra algu ku bo rabia of skonde algu ku bo rabia? E ora ey ta papia over di agresividat!

Agresividat ta un menasa of por hasi danjo na e persona ku e ta dirigi na dje.

Kiko bo por hasi ora ku bo ripara ku un persona ta bira(ndo) agresivo?

• Aserka e persona ku un aktitut habri: ora bo tin un persona ku ta agresivo bo dilanti, bo prome reakshon ta pa tambe ta agresivo. Siendo ta mihor pa bo keda kalmo i ku un aktitut habri na e persona. Si bo tambe reakshona agresivo, esaki ta pone ku e persona ta bai reakshona mas rabia i bira mas agresivo. Anto esaki por trese konsekuensianan negativo ku ne.

• Laga e persona ku ta agresivo expresa su mes dor di djies skuchele. Pasombra si e por deshoga su mes dor di konta su problema, e por bira mas trankil. Tin ora dor di djies bisa e persona ku bo ta mira ku e ta rabia, por judele bira mas kalmo.

• Resumi lokual e persona a bisa i hasi pregunta: bo tin ku bai kalkula ku ki tipo di agresividat bo ta deal ku ne: si e ta agresividat emoshonal bo por ofrese komprenshon. No komprenshon pa su akto di agresividat, pero komprenshon pa e situashon ku a butele rabia.

• Trata pa huntu bo bini na un solushon pa e situashon. Si bo no tin mag of ta kapabel pa hasi esaki, jama un hende ku por hasiele.

• Finalisa e situashon dor di por ehempel bisa algu amabel of ofrese e persona un kos di bebe.

Nos ta spera ku e tipsnan aki por judabo si bo jega di konfronta bo mes den un situashon kaminda ta trata di un persona ku ta aktua agresivamente!

Leave a Reply

Your email address will not be published.