Korda Hasi Bo Test! Evita Kanser Na Boka Di Matris

Kanser na boka di matris ta un tumor maligno na entrada di matris. E
tipo di kanser akí ta desaroyá masha poko poko. E tèst bou di poblashon
ta detektá prinsipalmente e fasenan inisial. Tratando esakinan, bo ta
evitá ku nan ta desaroyá bira kanser na boka di matris.

Infekshon di Human Papillomavirus (HPV) ta kousante di 95% di kaso di
kanser na boka di matris. Mayoria di biaha, un infekshon di e vírùs akí
ta inofensivo. Ta mira kanser na boka di matris komo un komplikashon
poko frekuente di un infekshon di HPV, ku sí ta masha frekuente.

Tèst di kanser na boka di matris: Pa hasi e tèst di kanser na boka di
matris, ta raspa e entrada di matris levemente pa rekolektá sèl, i ta
tèst esakinan pa wak si e persona tin (un fase inisial di) kanser na
boka di matris. Na Hulanda, gobièrnu a fiha ku hende muhé di 30 te ku 60
aña mester hasi un tèst di kanser na boka di matris kada 3 aña (RIVM,
2018).

Dor di laga bo mes wordu di test kada 3 anja, ta pone ku e chens ku bo
hanja kanser na boka di matris ta bira mas chikitu.

Tin un par di organisashon kaminda bo por laga bo mes wordu di tèst gratis:

Fundashon Prevenshon https://www.fundashonprevenshon.com/

Famia Plania https://www.facebook.com/fundashonfamiaplania/

Fuente di informashon: VIC(Curacao) i RIVM(Hulanda)