oude vrouw koken
Kuido

Hende Grandi I Alimento

Pa biba mas largu i pospone of preveni malesanan kroniko ta importante pa kome salu i hasi hopi moveshon(ehersisio). E proseso di biramentu bieu ta diverso serka tur hende.

Un par di obstakulo pa hende grandinan kome salu por ta:

  • Nan por tin problema pa kauw of guli
  • Nan por tin mas ku un malesa kroniko i ta usa pa e motibu ey hopi remedi. E remedinan por tin efektonan sekundario manera boka seku, karni di djente ku ta sangra of ta sensitivo. Of nan no tin apetit.
  • Pobresa of soledat tambe por ta kausa ku un hende grandi no ta kome(salu)

Obstakulonan pa hende grandinan kome salu por ta un risiko pa desnutrishon.

Desnutrishon ta soru pa un perdida di musculo(spiermassa). Esaki ta hasi e risiko ku nan por kai of kiebro di wesunan enorme. Pues komo resultado di bira grandi, malesa, menos movimiento ta trese ku lo tin menos musculo(spiermassa) i menos funshon di musculo.

Pa evita esaki por hasi ehersisionan pa hasi e musculonan fuerte i usa sufisiente kosnan ku proteina aden.

E funkshon di e niernan tambe ta redusi serka hende grandinan. Dor di esaki lo wordu traha mas urina pa saka e produkto residualnan(afvalstoffen). Tapesey ta importante pa hende grandinan bebe por lo menos 1,5 liter di awa pa dia.

Leave a Reply

Your email address will not be published.