Otro Topikonan

Edukashon Positivo

10 tep ku por judabo komo mayor pa un edukashon positivo di bo junan

  • Papia ku bo yu: papia kosnan ku ne ku e ta hanja interesante i papia ku ne kon abo a pasa bo dia
  • Ser positivo: duna bo yu regular un kompliment ora ku ela hasi algu bon. Elogie regularmente. I bisele kiko bo ta hanja bon ku ela hasi. Asina lo e komportele mas biaha bon.
  • Brasa bo yu mas biaha i bisele ku bo ta stimele: Muchanan ta gusta ora bo brasanan. Bosnan relashon pa ku otro lo krese.
  • Dunele un interes sincero: ora bo yu papia ku bo o ke mustrabo algu, stop ku lokual bo ta hasi i paga bo atenshon kompleto na dje.
  • Evita ku e ta ferfela su mes: soru pa e yu tin aktividat ku e ta gusta na kas i ku ta pas ku su edat manera: klei, pinta, hunga ku bloki, computer, etc
  • Pone reglanan basiko: pa asina e sa kon e tin ku komporta su mes. Sinta kune i papia esakinan. Splikele tambe kiko e konsekuensianan ta si e no kumpli ku e reglanan.
  • Kontele kon e tin ku komporta su mes: si un yu ta komporta su mes na un manera ku no ta adekua, bisele na un manera trankil ku e tin ku stop. Aserka e yu na un manera positivo. Duna e yu un kompliment si ela scucha. I kontele kiko e konsekuensianan ta si e no scucha. Si e yu no tende, bo tin ku tuma medida ku esaki.
  • Soru pa “Prome biaha”: sinja bo yu kosnan nobo dor di hasinan prome. Dor di trata otro na un manera bon dor di bisa por ehempel “por fabor” o “danki”. I lage hasiele tambe. I ora e hasiele dune un kompliment.
  • Hasi algu huntu: soru bon pabo mes. Paso asina bo ta sinti bo mes bon i bo por hasi kosnan leuk ku bo yu. Manera: hasi algu den kushina huntu, bai kana huntu, hasi algu kreativo, etc
  • Keda realistiko: bo por verwagt un komportashon rasonabel di bo yu, pero no verwagt ku e ta perfekto.

Leave a Reply

Your email address will not be published.