cv op bureau
Otro Topikonan

E Komposishon Di Un Karta Di Solisitut

Ora bo ke solisita riba un trabou, bo tin mester di un kurikulo ku ta up-to-date i un karta di solisitut. Nos a bini ku un ehempel un par di siman pasa kon pa traha un kurikulo(CV). Awor nos ta lagabo mira kiko mester tin den bo karta di solisitut i kon e komposishon di bo karta mester ta. Korda ku esaki ta djies un ehempel kon pa traha un karta di solisitut. Nos ke dunabo un indikashon kiko mester ta den.

KOMPOSISHON:

[Bo nomber]

[Bo adres]

[Nomber di e kompania kaminda bo ta solisita]

[Nomber di e persona ku ta enkarga ku e solisitut] (T.a.v.)

[Adres di e kompania]

[Fecha (p.e. Curacao, 17 di ougustus 2020]

[Topico(Onderwerp of Betreft:]

[Geachte heer/mevrouw,]

Na e Alinea aki:

Bo por skibi ku bo a mira un anunsio ku nan ta buskando hende pa e vakatura di ……Anto ku e vakatura ta pas den bo deseonan i ambishon komo trabou.

Na e Alinea aki:

Bo ta skibi dikon bo ta e kandidato ideal pa e funshon aki.

Na e alinea aki:

Bo ta bisa kiko bo ta hanja bon di e kompania. Por ehempel kon bo ta hanja nan produkto/servisio. Of kon bon nan ta trata nan klientenan i ku ta pesey bo kier solisita na e kompania ey. Bo ta laga nan mira akinan ku bo a investiga e kompania.

E serada di e karta di solisitut:

Bo por skibi aki nan kiko lo bo por realisa(balor agrega) pa e kompania ora bo traha serka nan. Skibi tambe ku lo bo apresia si nan tuma tempu pa wak bo portofolio. Anto ku bo ta spera di hanja un invitashon di nan pa por papia di e posibilidatnan pa bin traha serka nan.

Met vriendelijke groet,

“Bo number”

BIJLAGE: CV

Nos ta deseabo hopi eksito buskando/hanjando un trabou!

Leave a Reply

Your email address will not be published. Required fields are marked *