Familie aan het lezen met kinderen
Bienestar

Dikon lesamentu di buki ta bon pa mucha i e bentaha di lesamentu

Lesamentu ta bon pa un i tur. I e ta bon tambe pa relaha. Lesamentu di buki por ta aventurero, fasinante, alegre i jena ku fantasia.

Lesamentu ta engrandese e vocabulario di e mucha:

E momento ku e mucha por rekonose palabra i por lesa, un mundu nobo ta habri pe. Lesamentu ta yuda e mucha desaroya e idioma en general. E ta sinja hopi riba e area di skibi, konstrukshon di frase, gramatica i ortografia.

Desaroyo social:

Dor di lesa buki e mucha ta hanja idea di e diferente karakternan di e personanan den e buki. Esun ta tristu of ta sintiele kulpabel, etc. E mucha ta deskubri mas cos den e buki over di e personanan prinsipal den e buki. Asina e mucha ta hanja un efekto positivo riba su desaroyo social i kon trata otro hende.

Por ehempel lesa un buki ku un mucha chikitu ku ta introverti por hasi un topico ku bo ta hanja difisil pa papia over di dje mas fasil pa papia over di dje. Lesa un buki huntu over di por ehempel: mudansa, despedida, etc. E chens ta grandi ku lesando e buki ku e mucha abo por kuminsa papia over di e topiko.

Mi eksperiensia ku mi yu:

Mi a kuminsa laga mi yu lesa buki for di hopi chikitu. E no tabata gusta mes. Kiko ku mi a hasi e no kier a lesa buki. Te ora ku mi a kuminsa tuma buki na bibliotheek ku tin kuenta over di kosnan ku e ta gusta. E ora ey su interes a bira mas tantu den lesamentu. Mas i mas e mes a kuminsa bai bibliotheek bai tuma su bukinan. Mi ta kontentu awe ku mi a keda insisti pa e lesa paso esey a engrandese su vocabulario, ora ku e lesa tekstonan largu e ta lesanan mas lihe i ta kompronde nan mesora. Esey a yudele hopi na skol. E la kaba su VWO i aworaki e ta bezig ku universiteit. Aworaki e ta bezig ku su bachelor. Anto e ta lesa un buki di 650 pagina den 3 dia anto sinja su lesnan banda di esey tambe. Paso su lesamentu ta su ontspanning.

Husa mi voorbeeld volgers: lesamentu ta bon pa nos tur. Pero hopi importante pa muchanan kuminsa na edat hopi chikitu. Si nan no por lesa ahinda, abo lesa pa nan. Asina ku nan por lesa, busca buki pa asina nan mes por lesa!!.

Leave a Reply

Your email address will not be published.