Man met dementie
Bienestar

Demensia I Kon Bo Por Rekonose Esaki

Kiko ta Demensia?

Demensia ta un nomber kolektivo pa mas cu 50 malesa. Demensia ta un nomber pa un kombinashon di simptomanan kaminda informashonan no ta wordu prosesa bon mas den e serebre. E forma di demensia ku ta parese mas tantu ta: Alzheimer.

Banda di Alzheimer tambe tin e formanan aki di demensia ku ta:

• Demensia di Lewy Body

• Demensia Vaskular

• Demensia Frontotemporal

Un par di simptoman di demensia por ta:

  • E persona ta perde kosnan
  • E persona ta intrankil
  • E persona por lubida palabranan of den un kombersashon por stop di papia i no ta korda mas kiko e ke bisa. Of e ta ripiti lokual e la bisa kaba.
  • E persona no por plania kosnan mas, e no por maneha su administratie mas of hasta drecha su kuminda e no por mas
  • E persona no ta konsiente di tempu: e no sa kuantor tin of kua dia e ta. E persona ta lubida unda e ta of kon e la bini eynan.
  • E persona no ta hasi aktividatnan social mas. E ta wak televishon so i/o drumi hopi
  • E persona tin problema pa tuma desishonan i no por kalkula un situashon bon
  • E persona tin problema ku bista. Su serebro no ta prosesa esaki bon mas.
  • E persona su karakter por kambia. E por bira depresivo, agresivo, konfundi of e por hasi kosnan ku nunka e la hasi

E simptomanan di demensia no ta mescos serka tur hende. Anto no ta meskos serka kada un forma di demensia.

Majoria biaha bo ta ripara kambio den un persona su memoria, aktitut of su karakter. Pero tin biaha esaki por tin un otro kousa. I tapesey ta bon ku ora bo nota esaki serka un persona i bo tin duda, bo por tuma kontakto ku bo dokter di kas.

Leave a Reply

Your email address will not be published.