confident woman
Otro Topikonan

Bo Ta Un Hende Ku Por Indika Kiko Bo Limitenan Ta?

Bo ta un hende ku por indika kiko bo limitenan ta? Na bo trabou, ku famia of bo partner?

Ora bo pasa bo limite, ta nifika ku bo ta hasi kosnan of bo ta asepta kosnan ku ta kontradusi lokual bo mes ke.

Ora bo bisa kiko bo limite ta, ta nifika ku bo ta laga hende sa kiko bo ke.

Bo kier sa kiko bo limitenan ta of kon bo ta bisa hende bo limite?

Aki nos ta pone un paar di teps pabo:

Tep 1: Wak si bo por saka afo kiko por ta e kausa ku bo ta pasa bo limite?

  • Bo mes no sa mas kiko bo ke?
  • Bo ta bruha lokual hende ta verwagt ku lokual abo ta verwagt?
  • A bira un kustumber pabo pa bo pasa bo limite?

Tep 2: Investiga dikon ta importante pa bo mustra kiko bo limitenan ta.

Tep 3: Kiko ta lokual bo ke? Si bo sa lokual bo ke den bida i e ora ey bo sa tambe lokual bo no ke. Automatikamente bo sa e ora ey kiko bo limitenan ta.

Tep 4: Bisa NO. Esey por ta difisil pa hopi hende. Paso nan tin miedu ku si nan bisa NO, e otro persona por rabia.

Tep 5: Keda para riba bo NO. No laga pa e NO bira un SI.

Tep 6: Laga e responsabilidat kaminda e mester ta: serka e otro persona(si esaki ta nesesario).

Tep 7: ser pro aktivo den bisa bo limitenan. No warda te ora bo a pasa bo limite, paso e ora ey bo ta laat.

Tin ora ta difisil pa hasi kambio den bo bida. Si bo ke trese un kambio, kuminsa ku stapnan chikitu. Paso si bo no hasi nada, nada lo kambia den bo bida.

Korda esaki: kada biaha bo ku pasa bo limite, bo ta okashona bo mes mas stress. Anto esaki ta trese otro konsekuensianan ku ne.  

Leave a Reply

Your email address will not be published.