Leer nee te zeggen
Bienestar

Bisa NO si esey ta nesesario!

Un hende ku semper ta bisa “SI” na tur kos, lo hanja su mes un dia den problema. Si hende ke pa bo hasi algu pa nan, nan lo no ta kontentu si bo bisa nan “NO”. Tardi of tempran lo bo tin ku tuma e desishon si bo ta keda komplase tur hende a kosto di bo mes felisidat. Naturalmente tin momentonan ku lo bo hasi algu pa un otro hende, paso nos ke mira nan kontentu. Hasta ora ta trata di algu ku eigenlijk lo bo no ke hasi. Si esey ta un kustumber di bo, esey no ta salu. 

Un hende ku konfiansa den su mes por bisa “NO” si esey ta nesesario. E por asepta ku e ta desapunta hende. Tambe e ta kapas di splika na hende ku si nan ke tin amistad ku ne, nan lo tin ku vense nan desapunto i lage liber pa tuma su mes desishonan.

Tin ora bo tin ku bisa “NO” na otro hende i bisa “SI” na bo mes, sino alafin bo ta reakshona for di amargura i odio, paso bo ta bezig ta hasi otro hende felis ku den e proseso ey bo ta perde bo mes. 

Un par di hende muher tin e tendensia di hasi hende un plaser. Espesialmente nan famia. Nan mester ta alert di tene esaki den balansa. Bo ta stima anto bo mester-banda di hasi kosnan pa otro hende-hasi kosnan tambe pa bo mes. 

Si bo tin e gevoel ku bo tin ku bisa “NO”, e ora ey no ta nesesario pa bo duna splikashon dikon bo ta bisa “NO”. Hopi biaha hende tin e nesesidat di duna splikashon di nan desishonan, pero esey no ta nesesario. Laga bo mes wordu guia dor di Spiritu Santu-un otro manera pa bisa e mesun kos ta: bo ke skucha bo mes kurason. 

Naturalmente no tin nada malu si bo ke duna splikashon, solamente hende ta bai hopi leuw den duna un splikashon. No ta importa kuantu motibu bo bini ku ne, paso si un hende ta ofendi i no kompronde paso bo a bisa “NO”, lo bo no por konvensele pa kuantu motibu ku bo trese. Sigui bo kurason i mantene bo paz interno. Bisa “NO” si bo ta hanja esaki necesario i bisa SI si bo ta hanja ku bo por.

Leave a Reply

Your email address will not be published.