Bienestar

Bira eksitoso dor di fiha meta den bo bida

Kiko bo ke logra den sierto aspektonan di bo bida?

Por ehèmpel den bo trabou, estudio, famia o sèn?

Fiha meta den bo bida.

Meta ta algu ku bo ke realisá dentro di un sierto término di tempu den bo bida.

Ta un deseo fuerte ku bo tin p.e. desaroyo den bo karera.

Ora bo logra un meta esaki lo duna bo un sentido grandi di satisfakshon. I lo krese konfiansa den bo mes.

Dikon fiha metanan den bo bida?

Hendenan ku ta eksitoso den nan bida ta fiha nan mes metanan.

Fiha meta(nan) den bo bida ta duna bo un vishon riba término largu i ta motivá bo riba término kòrtiku.

E ta duna bo un focus i esei ta pone ku bo por usa bo sèn, energia i tempu mas mehor.

Asina bo por saka tur kos for di bida i tambe ser mas produktivo.

Dor di definí bo meta(nan)bon, bo ta sa ki ora bo meta(nan) a wòrdu logra.

Bo ta mira ku bo mes wowo kiko bo por logra, kiko bo abilidatnan ta i ku bo por logra lokual bo ke.

E ora ei bo por ta orguyoso di lokual bo a logra.

Soña grandi—-Fiha meta—Tuma akshon

Leave a Reply

Your email address will not be published. Required fields are marked *