baby 1 maand oud
Kuido

Bebi: Desarojo Di Un Bebi Den Su Prome Luna

Aki nos ta ta trese pabo un par di punto tokante desarojo di un bebi den su prome luna.

Tene na kuenta ku e puntonan di desarojo di un bebi ku nos ta pone riba nos pagina no ta pa tur bebi igual. Paso no ta tur bebi ta desaroja mes lihe of mescos.

Bo bebi den su prome luna ta rekonose bo stem, ta rekonose e diferente holonan i ta komunika ku bo por medio di su joramentu. Ku esey nos ke bisa ku kada bes ku e jora bo sa ku algu falte dor ku e jora ta zona diferente.

Den su di dos siman e por mira te ku aproksimadamente 25 cm di distansia. Su wowonan no ta kompletamente desaroja ahinda. Pues ora bo tenele, tresele serca di bo kara pa e por rekonosebo. E bebi ta mira mundu di otro manera. E ta mira su mes, abo, besindario komo unu. E no por distingi esakinan for di otro den su di dos siman ahinda.

E bebi a nanse ku un par di refleks. Por ehempel e reflexs di busca kos. Of ora bo dunele su boter e tin e refleks pa e chupa na e boter pa e bebe. E beibi lo wak bo mas tantu den su di dos siman i trata na imita tur lokual bo hasi ku bo kara.

Si bo bebi ta wak skel konstantemente? No preokupa. Esaki por ta normaal. Dor di ku su wowonan no por focus ahinda anto ta pesey e ta move tur kaminda. Segun su mente desaroja mas tantu, su wowonan lo bai wak menos skel.

Den su di tres siman e lo por konsola su mes dor di chupa riba su dedenan i lo e hisa su kabes pa un par di seconde. Ahinda den e temporada aki e bebi lo ta drumi entre 16 pa 17 ora pa dia. Ora ku e drumi riba su lomba i e lanta, lagele drumi riba su barika. Asina e ta train musculonan ku mas tarda den su desarojo lo e bai usa. Tene na kuenta ku den e prome luna di bo yu e lo jora hopi. Paso ta e uniko manera ku e por lagabo sa ku algu falte. I trata na rekonose kada un jora di dje. Paso ora bo sa esaki, bo por distingi por ehempel un jora di hamber for di un jora di un bruki sushi.

Ora e bebi ta entre 2 pa 4 siman e por hanja un par di peshi riba su kara. Esakinan ta simplemente hormonanan ku a pasa di bo matris bai den su kurpa ku ahinda despues ku e nanse ahinda ta den su kurpa. Nan lo desaparese despues di un par di siman. No mishi ku nan of trata na kitanan paso asina bo ta krea un marka.

Disfruta di tene bo bebi den su prome luna hopi serka dibo. “Huid op huid contact”.

Leave a Reply

Your email address will not be published.