baby 6 maanden oud
Kuido

Bebi: Desarojo Di Un Bebi Den Su Di 6 Luna

Aki nos ta trese pabo un par di punto tokante desarojo di un bebi den su di 6 luna.

Tene na kuenta ku e puntonan di desarojo di un bebi ku nos ta pone riba nos pagina no ta pa tur bebi igual. Paso no ta tur bebi ta desaroja mes lihe of mescos.

Den e di 6 luna di un bebi

E bebi ku tabata drumi hopi awor ta un bebi investigador yen di energia. Ku 6 luna e bebi por lora, sinta, brabbel i hopi mas. E lo mishi ku bo kara mas tantu. Porta e ta hanjando su prome djentenan i e por purba kome algu mas solido.

Den periodo di su sakamentu di djente e por tin hopi dolor. Bo por konsulta ku bo dokter di kas pa wak si e por rekomenda algu pa e bebi. Pero e remedi di mas mihor pa e bebi den e temporada aki ta di dunele hopi atenshon, brasa i sunchi.

Bo por hasi wega ku bo bebi ku por judele den su desarojo.

Por ehempel: ponele riba su lomba riba bo skochi. Hisele poko poko ku su mannan i lage sinta. Bahele poko poko bek riba su lomba. Asinaki e lo tin ku tene su kabes recht. Hasi esaki un par di biaha. I kada bes ku e sinta, hasi un sonido leuk ku ne pa e hari. Asina bo ta judele desaroja su motoriek(motorische ontwikkeling).

Si lokual nos pone riba nos pagina ta un poko diferente di lokual ku bo zuster, opstetra of ginekologo a bisabo, nos ta konsehabo pa sigi e konseho di nan. Nan konose bo situashon mas mihor. Y no ta tur desarojo di un bebi ta e mesun kos!

Leave a Reply

Your email address will not be published.