Bebi: Desarojo Di Un Bebi Den Su Di 4 Luna

I bo bida komo mama den su di 4 luna.

Aki nos ta trese pabo un par di punto tokante desarojo di un bebi den su di 4 luna.

Tene na kuenta ku e puntonan di desarojo di un bebi ku nos ta pone riba nos pagina no ta pa tur bebi igual. Paso no ta tur bebi ta desaroja mes lihe of mescos.

Den e di 4 luna di un bebi e ta bai papia muchu mas tantu i mas duru. E ta bai experimenta kon haltu su stem por bai i kua sonidonan mas e por hasi. E ta bai hunga ku su mannan i pianan. Tambe e ta bai explora dor di kue obhetonan ku ta den su kaminda.

Bo por hasi weganan ku ne pa e por kumisa kustuma ku e difirente holonan. Su nanishi den e periodo aki ta sensitive pa holornan. Bo por ponele riba bo skochi anto por ehempel bo ta lage hole un banana, despues un lamoenchi i despues un flor. Asina abo por mira tambe su reakshon. I porta esaki lo butele grita hari. Un otro wega ku bo por hasi ku ne ta butele riba su barika riba un panja. Anto hala e panja di links bai rechts of di ariba bai abou. Asinaki bo ta lage siniti e emoshon di esaki anto preparele pa e kuminsa gatia.

Si e ta baba hopi ahinda anto e ta kouw riba kosnan? Esaki por nifika ku su djentenan ta bai sali.

Bo bida komo mama den e di 4 luna di bo bebi:

Tin e posibilidat ku ahinda bo tin dolor di lomba of heup. Tambe lo bo por tin strepinan riba bo kueru. Esakinan ta kosnan ku bo no por evita. Serka un par di hende nan ta bai despues di un par di luna. Pero tambe por ta posibel ku nan ta keda. Disfruta di bo bebi den su di 4 luna.

Si lokual nos pone riba nos pagina ta un poko diferente di lokual ku bo zuster, opstetra of ginekologo a bisabo, nos ta konsehabo pa sigi e konseho di nan. Nan konose bo situashon mas mihor. Y no ta tur desarojo di un bebi ta e mesun kos!