Bebi: Desarojo Di Un Bebi Den Su Di 3 Luna

Aki nos ta trese pabo un par di punto tokante desarojo di un bebi den su di 3 luna.

Tene na kuenta ku e puntonan di desarojo di un bebi ku nos ta pone riba nos pagina no ta pa tur bebi igual. Paso no ta tur bebi ta desaroja mes lihe of mescos.

Den e luna aki e bebi por bai distingi sonidonan ku e rekonose i sonidonan ku e no rekonose. E lo bai imita e moveshon di bo boka i e lo wak di unda sonidonan ta bini. Hasi hopi sonidonan stranjo ku ne i lage ripara ku bo por hasi differente sonido. Aki un par di siman lo e hasi sonidonan leuk di su mes. I asina bosnan por papia ku otro.

Ora ku e hasi aproksimadamente 10 siman e ta bai purba na hinka kos den su boka. Di e manera aki e ke sa kiko tin rondo di dje. Den su mente e por sinti mas miho kiko e objetonan ta ora ku e ponenan den su boka. Ku su man nan e no tin hopi kontrol ahinda. Pesei tur kos e ta hinka den su boka. Pues den e temporada aki wak bon kiko bo ta pone den su bisindario. Pa evita ku asina e por stik.

Na 11 siman ahinda e wowonan di e bebi ta den desarojo. Den su prome simanan e tabata rekonosebo na bo holor of stem. Awor e ta bai rekonose bo kara mas tantu. I por mira mas tantu kolor. Awor lo e prefera di mira abo mas tantu kompara ku otro hende.

E bebi por bira ferkout hopi. Esaki por ta dor ku su resistensia ta abou. Tapesei soru pa tin un bon higiena, lagele bebe hopi anto soru pa kaminda e ta bo ventila e kamber bon. Ya asina e lo bira bon mas lihe despues di ta ferkout.

Den su 12 luna e por distingi mas miho e aparensia di abo i otro hende. I e ta bira hopi soshal. Usa e temporada aki pa e konose hendenan ku e lo bai mira mas tantu manera famia serkano, bisinja ku ta bini hopi serka bo of e baby-sitter. E ta bira su kabes na sonidonan ku e tende. I e por tene su kabes na laira. Aworaki lo e por tene su kabes na haltu mas largu, move ku su pianan mas tantu i e tin mas control over di su kurpa. Asinaki e ta preparando pa bai kuminsa gatia. No laga e bebi nunka su so ora ku e ta drumi riba algu.

Si lokual nos pone riba nos pagina ta un poko diferente di lokual ku bo zuster, opstetra of ginekologo a bisabo, nos ta konsehabo pa sigi e konseho di nan. Nan konose bo situashon mas mihor. Y no ta tur desarojo di un bebi ta e mesun kos!