baby 2 maanden oud
Kuido

Bebi: Desarojo Di Un Bebi Den Su Di 2 Luna

Aki nos ta trese pabo un par di punto tokante desarojo di un bebi den su di 2 luna.

Tene na kuenta ku e puntonan di desarojo di un bebi ku nos ta pone riba nos pagina no ta pa tur bebi igual. Paso no ta tur bebi ta desaroja mes lihe of mescos.

Un bebi entre 5 i 8 siman ta lagabo mira un sonrisa. Ku esaki nos kiermen ku prome e tabata hari zomaar i awor e ta hari pasombra e la mira algu ku e la rekonose, manera bo kara. I e ta move su kabes mas tantu den otro direkshonan i e ta imita ekspreshonan riba bo kara.

Un bebi por saka tur lokual ela bebe tin biaha. Esaki por bini dor di ku e pasashi di su esofago pa su barika(esaki ta un musculo)no a desaroja kompletamente ahinda anto e no ta sera pa e lokual ku ela bebe bai su barika anto asina e ta subi bek. Anto e ta saka tur cos bek. Despues di tempu lo e musculo aki lo sera bon. Pero si bo no ta konfia, tuma kontakto ku bo dokter di kas. I tene kuenta ku su peso no baha paso e ta saka hopi.

Den aproksimadamente su di seis siman e ta bai hasi mas tantu sonido(manera e ke papia). Pa su desarojo di idioma trata na imita e sonidonan ku e ta hasi ku ne. Asina bo ta lage ripara ku bo ta hanja importante i interesante lokual e ta bisa.

Den su di shete siman e ta bai desaroja poko poko un routina di dia i anochi. E ta sigi kosnan ku su wowo i e por kuminsa chupa dede pa konsola su mes. Chupamentu di dede tin konsekuensha negativo ora ku e kuminsa hanja djente di lechi.

Den su di ocho luna e ta bai rekonose su manan. E ta bai habrinan i seranan. I papia mas tantu(pues hasi sonidonan manera prrrr, ahh, iee, etc). Bo bebi tabata mira tur kos blancu ku pretu. Awor lo e bai mira mas kolornan manera berde i kora.

Disfruta di kada un momento ku bo bebi. Pasombra nan ta krese lihe!

Si lokual nos pone riba nos pagina ta un poko diferente di lokual ku bo zuster, opstetra of ginekologo a bisabo, nos ta konsehabo pa sigi e konseho di nan. Nan konose bo situashon mas mihor. Y no ta tur desarojo di un bebi ta e mesun kos!

Leave a Reply

Your email address will not be published.