10 Teps Pa Ora Bo Ta Buskando Trabou
- Controla bo kurikulo: controla si bo kurikulo ta up-to-date. Tin ora bo ta buska un trabou den diferente sektor. Tapesey ta importante pa bo pone e kalidatnan den bo kurikulo ku ta pas ku e trabou ku bo ta buskando.
- Usa bo rednan(netwerk): Majoria di trabounan ta wordu hanja via di famia, amigu of konosirnan. Es desir bo rednan.
- Buska un trabou ku ta pas serka bo. Esey ta zona logiko, pero hopi hende ta buska trabounan ku ta mas haltu ku nan nivel o hustamente bou di nan nivel.
- No solisita hopi kaminda: ta rekomendabel pa no solisita hopi kaminda den e mesun biaha. Paso bo no por pone tur bo atenshon i energia riba nan tur.
- Warda bo buskedanan: si bo no tin tempu pa buska trabou tur dia? Inskribi bo mes na e organisashon(uitzendbureau) su boletin p.e. pa asina bo wordu alerta via mail kada biaha ku nan tin un vakatura.
- Konose e empresa: tuma tempu pa bo konose e empresa ku bo ta solisita na dje. Wak p.e. riba nan website. Den bo kombersashon di solisitud bo por menshona dikon bo ke solisita na e empresa i asina bo por laganan mira kon motiva bo ta pa traha serka nan. I asina subi bo chens pa nan skohe abo.
- Skibi un bon karta di motivashon: den un karta di motivashon chikitu bo ta skibi dikon bo a solisita riba e vakatura i dikon espesifikamente serka e empresa ey.
- Jega na ora di e afspraak: un bon kombersashon por wordu hasi solamente si bo a prepara bo mes bon. Soru pesey pa bo ta na tempu i ku bo sa(de antemano) unda e empresa ta situa. Si bo jega laat bo ta duna un mal impreshon.
- Prepara bo mes riba e preguntanan: na e kombersashon bo ta hanja semper un par di pregunta ku ta un norma. Nos tin un lista di pregunta ku bo por verwagt. Mail nos si bo ke esaki.
- Paga atenshon na bo aktitut: komunikashon non verbal ta mes importante ku komunikashon verbal. Tapesey paga bon tinu riba bo aktitut: no sinta tur di sak den e stoel, duna un man firme, establese kontakto visual konstantemente.
You May Also Like
3 TEPS PA JUDABO RIBA KAMINDA PA UN BIDA SALU
Salu Positivo
